ရန်ကုန်မြို့တော်

မြို့တော်ဂေါက်ကွင်း

ရည်ရွယ်ချက်

ရန်ကုန်မြို့တော်သူမြို့တော်သားများ ကျန်းမာကြံ့ခိုင်ရေး၊ စိတ်ချမ်းသာပျော်ရွှင်စေရေး၊ဉာဏ်ရည်ဖွံ့ဖြိုးစေရေး၊နိုင်ငံတော်၏ စီးပွားရေးလုပ်ငန်းများကို တစ်ဖက်တစ်လှမ်းမှ အထောက်အကူ ဖြစ်စေရေး၊ ထူးချွန်ထက်မြက်သော ဂေါက်သီးရိုက်ကစားသမားများ ပေါ်ထွက်လာစေရေး ပြည်တွင်းပြည်ပမှ ဂေါက်သီးရိုက်ကစားသမားများ အချင်းချင်း ချစ်ကြည်ရင်း နှီးမှု ပိုမိုရရှိစေရေးအစရှိသည့် ရည်ရွယ်ချက်များဖြင့် မြို့တော်ဂေါက်ကွင်းအား တည်ထောင်ဖောက်လုပ်ခဲ့ခြင်းဖြစ်ပါသည်။

တည်နေရာ

ရန်ကုန်မြို့တော်စည်ပင်သာယာရေးကော်မတီ မြို့တော်ဂေါက်ကွင်း၏

အရှေ့ဖက်၌ - ပြုပြင်ထိန်သိမ်းရေးလေတပ်

အနောက်ဖက်၌ - အင်းစိန်၊(ဖေါ့ကန်) အောင်ဇေယျရပ်ကွက်

မြောက်ဖက်၌ - တပ်မတော်ဂေါက်ကွင်း

တောင်ဖက်၌ - တပ်မတော်လေတပ်၏ အိမ်ထောင်သည် လိုင်းများ အကြားမြေဧက (၃၀၀) ခန့်ရှိသော ဧရိယာအတွင်း (၁၈)ကျင်းပါ ဂေါက်ကွင်း (၂) ကွင်း တည်ဆောက်ထားခြင်းဖြစ်ပါ သည်။

မြို့တော်ဂေါက်ကွင်းသမိုင်း

၄င်းဧရိယာသည် တပ်မတော်ပိုင် မြေနေရာ ဖြစ်သော်လည်း ၁၉၉၁ ခုနှစ်တွင် နိုင်ငံတော် အကြီးအကဲမှ ရန်ကုန်မြို့တော်စည်ပင်သာယာရေးကော်မတီသို့ လွှဲပြောင်းပေးခဲ့ပြီး ဂေါက်ကွင်း ဖောက်လုပ်ရန် ညွှန်ကြားခဲ့သည့်အတွက် (၁-၅-၁၉၉၁)ရက်နေ့မှ စတင်၍ Han Golf Master PTE.,Ltd မှဂေါက်သီး ပညာရှင် ဦးချမ်းဟန် ဦးစီးသော ကွင်းဒီဇိုင်းအဖွဲ့နှင့် ရန်ကုန်မြို့တော်စည်ပင် သာယာ ရေး ကော်မတီ မှ ဌာနများ ပူးပေါင်းပြီး ဖောက်လုပ်ခဲ့ရာ အကျယ်အဝန်း (၁၇၆)ဧက ရှိသော ငွေသော်တာကွင်း မြေဧက အကျယ်အ၀န်း (၁၀)ဧက ခန့်ရှိသော ဂေါက်သီးရိုက် လေ့ကျင့်ရေးကွင်းနှင့် ပင်မ Club House အား (၃၀-၁-၁၉၉၄) ရက်နေ့တွင် တစ်ပြိုင်တည်း ဖွင့်လှစ်နိုင်ခဲ့ပါသည်။

ငွေသော်တာကွင်းဖွင့်လှစ်ပွဲအခမ်းအနားသို့ နိုင်ငံတော် အကြီးအကဲများ တက်ရောက် ခဲ့ပြီး လစ်လပ်နေသော နေရာများတွင် ထပ်မံ၍ (၁၈)ကျင်းပါ ကွင်းတစ်ကွင်းအား ဖောက်လုပ်ရန် ညွှန်ကြားခဲ့သဖြင့် အပိုဒ် (၂) ပါငွေသော်တာကွင်း ဖောက်လုပ်ခဲ့သော အဖွဲ့ဖြင့်ပင် (၁-၃-၁၉၉၄) ရက်နေ့မှ စတင် ဖောက်လုပ်ခဲ့ရာ အကျယ် အဝန်း (၁၁၂.၃၁၆) ဧက ရှိ မြကန်သာ ကွင်းအား (၁၈-၉-၁၉၉၆) ရက်နေ့တွင် ဖွင့်လှစ်နိုင်ခဲ့ပါသည်။

မြို့တော်ဂေါက်ကွင်း၏လုပ်ငန်းတာဝန်များ

ကော်မတီမှ ချမှတ်ပေးထားသော လုပ်ငန်းတာ၀န်များကို အထွေထွေမန်နေဂျာမှ တာဝန်ခံ၍ အောင်မြင်အောင် ဆောင်ရွက်ရန်။

မြို့တော်ဂေါက်ကွင်း လုပ်ငန်းကိစ္စအဝဝ အကောင်အထည်ဖော်အောင်မြင်ရန် အတွက် ကြပ်မတ်လမ်းညွှန်ဆောင်ရွက်ရန်။

ဝန်ထမ်းများ ဝန်ထမ်းစည်းမျဉ်းစည်းကမ်းနှင့်အညီ စည်းကမ်းတကျ ရှိစေရေးအတွက် ထိန်းသိမ်းဆောင်ရွက်ရန်။

မြို့တော်ဂေါက်ကွင်းအသင်းသားများ ဂေါက်ကွင်းစည်းမျဉ်းစည်းကမ်းနှင့်အညီ အကျင့် သိက္ခာရှိစေရေးနှင့် အဆင့်အတန်းမြင့်မားစေရေးအတွက် ကွပ်ကဲ ထိန်းသိမ်းဆောင်ရွက်ရန်။

မြို့တော်ဂေါက်ကွင်းနှင့် မြို့တော်ဂေါက်ကွင်းဟိုတယ်တို့၏ ကြီးပွားတိုးတက်ရေးကို ကြံဆလုပ်ဆောင်ရန်နှင့် လိုအပ်ပါက ကော်မတီသို့ အကြံပြုတင်ပြရန်။

မြို့တော်ဂေါက်ကွင်းအဆင့်မြှင့်တင် မွမ်းမံပြင်ဆင်မှုများအား သက်ဆိုင်ရာကော်မတီဝင်မှတဆင့် ဥက္ကဌ(မြို့တော်ဝန်)ထံ တင်ပြခွင့်ပြုချက်ရယူ၍ ဆောင်ရွက်ရန်။

ပြည်တွင်းပြည်ပအသင်းအဖွဲ့များ၊ဌာနဆိုင်ရာအဖွဲ့အစည်းများမှ ဂေါက်သီးရိုက်ပြိုင်ပွဲပြုလုပ်လိုပါက အဆင်ပြေချောမွေ့အောင် ဆောင်ရွက်ပေးရန်။

မြို့တော်ဂေါက်ကွင်း၏ ၀င်ငွေနှင့် ဌာနပိုင်ပစ္စည်းများ လေလွင့်ဆုံးရှုံးမှုမရှိစေရေးအတွက် စနစ်တကျ ကြပ်မတ်ဆောင်ရွက်ရန်။

မြို့တော်ဂေါက်ကွင်း၏ အဆင့်အတန်းတိုးတက်သည်ထက် တိုးတက်အောင် အမြဲကြံဆ ဆောင်ရွက်ရန်။

ကော်မတီမှ လိုအပ်၍ ပေးအပ်လာသည့် အခြားတာ၀န်၀တ္တရားများအား ထမ်းဆောင်ရန်။

မြို့တော်ဂေါက်ကွင်းတွင် အောက်ပါအတိုင်း ဝန်ဆောင်မှုများ ဆောင်ရွက်ပေးလျှက်ရှိပါသည်-

(က)      မြို့တော်ဂေါက်ကွင်းတွင် အသင်းသားအဖြစ်လက်ခံခြင်း။

(ခ)       လာရောက်ကစားသည့် ဂေါက်သီးရိုက်ကစားသမားများ အဆင်ပြေချောမွေ့စွာ ကစားနိုင်ရေးအတွက် အချိန်ကြိုတင် (Tee off Time)၊ ကယ်ဒီကြိုများ(Caddie Booking) လက်ခံဆောင်ရွက်ခြင်း။

(ဂ)       အသင်းအဖွဲ့များ၊ဌာနဆိုင်ရာများမှ ပြိုင်ပွဲများကျင်းပပြုလုပ်ရာတွင် အချိန်ကြိုတင်စီစဉ်ပေးခြင်း၊ လိုအပ်သည့် ကယ်ဒီစီစဉ်ပေးခြင်း၊ ဘာဂီငှားရမ်းအသုံးပြုနိုင်ရေးအတွက် စီစဉ်ပေးခြင်း၊ Longest       Drive တိုင်းတာပေးခြင်း၊ Nearest Pin တိုင်းတာပေးခြင်း၊ Nearest Line တိုင်းတာပေးခြင်း၊Score Board မှတ်တမ်းတင်ပေးခြင်း၊ ဆုပေးပွဲ အခမ်းအနားကျင်းပနိုင်ရန် နေရာထိုင်ခင်း စီစဉ်ပေးခြင်း။

(ဃ)      မိသားစုအပန်းဖြေအနားယူနိုင်ရေးအတွက် မြင်းခွာကျွန်းရေးကူးကန်နှင့် စားသောက်ဆိုင် ဖွင့်လှစ်ပေးထားခြင်း၊ ဘာဂီဖြင့် ကွင်းအတွင်း လှည့်လည် ကြည့်ရှုနိုင်ရေးစီစဉ်ပေးခြင်း။

(င)       ရုပ်ရှင်၊ဗွီဒီယို၊ဓါတ်ပုံရိုက်ကူးခြင်း။

(စ)       မြို့တော်ဂေါက်ကွင်းတွင် ပြည်တွင်းပြည်ပမှ လာရောက်အပန်းဖြေ ဂေါက်သီးရိုက်ကစားသူများ တည်းခိုနေထိုင်နိုင်ရေးအတွက် မြို့တော်ဂေါက်ကွင်း ဟိုတယ်အား ဖွင့်လှစ်ထားရှိခြင်း

ဆက်သွယ်ရန် တယ်လီဖုန်းနံပါတ်များ

မြို့တော်ဂေါက်ကွင်းနှင့်ပတ်သက်၍ အချိန်နှင့်တစ်ပြေးညီ ဆက်သွယ်နိုင်ရန် တယ်လီဖုန်းနံပါတ် များမှာ အောက်ပါအတိုင်း ဖြစ်ပါသည်-

Back to Top