ရန်ကုန်မြို့တော်

(က) ပြည်သူ့ကျန်းမာရေးဌာနတွင် ရေအဏုဇီဝနှင့် ရေဓါတုဗေဒ ဓာတ်ခွဲစစ်ဆေးခြင်းတို့ ဆောင်ရွက်လျက်ရှိပါသည်။

        အစားအသောက် ကိုင်တွယ်ချက်ပြုတ်သူများတွင် အစာအဆိပ်သင့်စေသော ပိုးမွှား ရှိ၊မရှိ နှာတို့ရည်နမူနာယူ၍ စစ်ဆေးနိုင် ပါသည်။ သက်ဆိုင်ရာမြို့နယ်အုပ်ချုပ်ရေးမှူးရုံးများရှိ ပြည်သူ့ကျန်းမာရေးဌာနနှင့် ဆက်သွယ်၍ စစ်ဆေးခငွေ တစ်ဦးလျှင် ၁၉၀ဝိ/ (ကျပ်တစ်ထောင့်ကိုးရာတိတိ) ဖြင့် စစ်ဆေးနိုင်ပါသည်။ ဓာတ်ခွဲစစ်ဆေးမှုအဖြေကို(၇)ရက်အတွင်း ရရှိမည်ဖြစ်ပါသည်။

        ရန်ကုန်မြို့တော်အတွင်းရောင်းချနေသောအစား အသောက်များကိုစားသုံးရန်သင့်မသင့် ဓာတ်ခွဲစစ်ဆေးနိုင်ပါသည်။ ပြည်သူ့ကျန်းမာရေးဌာန ဓာတ်ခွဲခန်းမှ အစားအစာ နမူနာ ယူသည့် ပုံစံတွင်ဖြည့်စွက်၍ ဓာတ်ခွဲစစ်ဆေးခ ၃ဝဝဝိ/(ကျပ်သုံးထောင်တိတိ) ပေးသွင်း၍ စစ်ဆေးနိုင်ပါသည်။ စစ်ဆေးလိုသည့် အစားအစာကို အစားအစာနမူနာ ယူသည့်ပလတ်စတစ်အိတ်ထဲသို့သန့်ရှင်းစွာ ထည့်၍ ဓာတ်ခွဲခန်းသို့နှစ်နာရီ အတွင်း ပေးပို့ရမည်ဖြစ်ပါသည်။ ဓာတ်ခွဲစစ်ဆေးမှုအဖြေကို (၅)ရက်အကြာတွင် ရရှိမည် ဖြစ်ပါသည်။

        ပွဲရုံများနှင့် ဈေးများတွင်ရောင်းချနေသော ဆီအမျိုးမျိုး(ပဲဆီ၊နှမ်းဆီ၊စားအုန်းဆီ၊ ပဲပိစပ်ဆီ၊ နေကြာဆီ)၊ စက်ရုံမှ ထုတ်လုပ် ရောင်းချနေ သော ဆီအမျိုးမျိုး၊ ဆီလက္ကား ဆိုင်များမှ ရောင်းချသောဆီအမျိုးမျိုး စားသောက်ဆိုင်များမှ သုံးစွဲနေ သောဆီများနှင့် အကြိမ်ကြိမ် ကြော်ပြီးဆီများကို ပြည်သူ့ကျန်းမာရေးဌာန ဓာတ်ခွဲခန်းတွင် ဓါတ်ခွဲစစ်ဆေးခြင်း၊ GC(Gas Chromatography)စက်ဖြင့် ဆီအရည်အသွေး၊ အမျိုးအစားနှင့် စားသုံးရန် သင့်၊မသင့် စစ်ဆေးခြင်းများကို ဆောင်ရွက်လျက်ရှိပါသည်။ ဓါတ်ခွဲစစ်ဆေးခ ၃၀၀၀ဝိ (ကျပ်သုံးသောင်း တိတိ)နှင့် ထောက်ခံချက်ကဒ်ပြားခ ၅၀ဝိ (ကျပ်ငါးရာတိတိ)၊စုစုပေါင်း ၃၀၅၀ဝိ/ (ကျပ်သုံးသောင်း ငါးရာတိတိ) ပေးသွင်း၍ ဆီနမူနာ ၁လီတာဝင်ပုလင်း ၂ပုလင်းပေးပို့၍ စစ်ဆေးနိုင်ရန် စီစဉ်ထားပါသည်။ ဓါတ်ခွဲစစ်ဆေးမှု အဖြေကို (၇)ရက်အတွင်း ရရှိနိုင်မည်ဖြစ်ပါ သည်။

        စားသောက်ကုန်ထုတ်လုပ်သောစက်ရုံများ၊ လက်လီလက္ကားဆိုင်များ၊ ဈေးများ၊ စားသောက်ဆိုင်များနှင့် မုန့်မျိုးစုံထုတ်လုပ်သောလုပ်ငန်းများမှ စားသောက်ကုန်ပစ္စည်းများ(အချိုရည်၊ ငရုတ်ဆီ၊ ငရုပ်သီးမှုန့်အမျိုးမျိုး၊ ငါးပိ စိမ်းစား၊ ပုဇွန်ခြောက်မှုန့်၊ ရေခဲမုန့်၊ ရေခဲချောင်း၊ မျှစ်၊ အသားချောင်း အမျိုးမျိုး၊ ငါးချဉ်၊ ပုဇွန်ချဉ်၊ လက်ဖက်နှင့် မုန့်အမျိုးမျိုး) တို့တွင် ခွင့်မပြုဆိုးဆေးများ ပါဝင်မှုရှိ၊မရှိကို (Thin Layer Chromatography) ဖြင့် စစ်ဆေးနိုင်ရန် စီစဉ်ဆောင်ရွက်လျက်ရှိပါသည်။ ဓာတ်ခွဲစစ်ဆေးခ ကျပ် ၁၀၀၀ဝိ (ကျပ်တစ်သောင်းတိတိ) နှင့် ထောက်ခံချက်ကဒ်ပြားခ ၅၀ဝိ/- (ကျပ်ငါးရာတိတိ)၊ စုစုပေါင်း ၁၀၅၀ဝိ/- (ကျပ်တစ်သောင်းငါးရာတိတိ) ပေးသွင်း၍ စားသောက်ကုန်နမူနာ ၂၅ ကျပ်သားပေးပို့၍ စစ်ဆေးနိုင်ရန် စီစဉ်ထားပါသည်။ ဓာတ်ခွဲစစ်ဆေးမှုအဖြေကို (၇)ရက်အတွင်း ရရှိနိုင်မည် ဖြစ်ပါသည်။

        ခဲဆိပ်အန္တရာယ်ရှိနိုင်သည့်လုပ်ငန်းအချို့ (ဉပမာ- ဘတ္ထရီလုပ်ငန်း၊ ဆေးမှုတ် လုပ်ငန်း၊ အလှကုန်နှင့်ဓါတုပစ္စည်းဆိုင်များ) မှ ဝန်ထမ်းများ ခဲဆိပ်သင့်မှုရှိ၊မရှိ ပဏာမအနေဖြင့်ဆီးကိုစစ်ဆေးနိုင်ပါသည်။ စစ်ဆေးခတစ်ဦးလျှင် ၃၇၀ဝိ/ (ကျပ်သုံးထောင့်ခုနှစ်ရာတိတိ)ဖြစ်ပြီး အဖြေကို(၇)ရက်အတွင်း ရရှိမည်ဖြစ်ပါသည်။

        အနှေးယာဉ်လုပ်သားများ နင်းသားလိုင်စင်ပြုလုပ်ရာတွင် လိုင်စင်သစ် ပြုလုပ်သော အနှေးယာဉ်လုပ်သားများအား ကျန်းမာရေးစစ်ဆေးပေးခြင်း၊ သွေးစစ်ပြီး ကာလသားရောဂါပိုးရှိ၊မရှိ VDRL Test ပြုလုပ်ပေးပြီး၊ ရောဂါပိုး တွေ့ရှိသူများအား ကုသမှုခံယူနိုင်ရန် ဗဟိုကာလသားရောဂါတိုက်ဖျက်ရေးသို့ လွှဲပြောင်းပေးပါသည်။ စစ်ဆေးခ တစ်ဦးလျှင် ၆၀ဝိ/- (ကျပ်ခြောက်ရာတိတိ) ဖြစ်ပြီး၊ အဖြေကို (၃)ရက်အတွင်းရရှိမည်ဖြစ်ပါသည်။

        ပိုးသတ်ဆေးဓါတ်ကြွင်း ပါဝင်မှုနှင့် မှိုအဆိပ်ပါဝင်မှု စစ်ဆေးနိုင်ရန် အတွက် စီစဉ်ဆောင်ရွက်လျက်ရှိပါသည်။

        ရေအမျိုးမျိုးထဲတွင် ပျော်ဝင်နေသော အိုင်းယွန်းပမာဏ မည်မျှပါဝင်ကြောင်းကို Spectro Direct စက်ကို အသုံးပြု၍ စစ်ဆေးနိုင်ပါသည်။ အိုင်းယွန်းတစ်ခုစီအတွက် စစ်ဆေးစမ်းသပ်ခနှုန်းထားများမှာ ကော့ပါး (ကြေးနီ) - ၃၀၀၀/- (ကျပ်သုံးထောင်တိတိ)၊ ကလိုရိုဒ် - ၂၅၀၀/- (ကျပ်နှစ် ထောင့်ငါးရာတိတိ)၊ အလူမီနီယမ်(ဒန်) - ၃၀၀၀/- (ကျပ်သုံးထောင်တိတိ)၊ ဖော့စ်ဖိတ် (ပါဝင်မှုနည်း) - ၃၀၀၀/- (ကျပ်သုံးထောင်တိတိ)၊ ဖော့စ်ဖိတ် (ပါဝင်မှုများ) - ၃၅၀၀/- (ကျပ်သုံးထောင့်ငါးရာတိတိ)၊ ဇင့် - ၂၅၀၀/- (ကျပ်နှစ်ထောင့်ငါးရာတိတိ)၊ အယ်ကာလီနီတီ - ၂၀၀၀/- (ကျပ်နှစ်ထောင် တိတိ)၊ ဘိုရွန် - ၃၀၀၀/- (ကျပ်သုံးထောင်တိတိ)၊ မဂ္ဂနီ(စ်) - ၄၀၀၀/- (ကျပ် လေးထောင်တိတိ)၊ ပိုတက်စီယမ် - ၃၀၀၀/- (ကျပ်သုံးထောင်တိတိ)၊ သံဓါတ် - ၃၀၀၀/- (ကျပ်သုံးထောင်တိတိ)၊ စုစုပေါင်း - ၃၂၅၀၀/- (ကျပ်သုံးသောင်း နှစ်ထောင့်ငါးရာတိတိ) ဖြစ်ပါသည်။ ရေနမူနာများအား ၂ ဂါလံဆံ့သော ပလတ်စတစ်ပုံးသစ်ဖြင့် ဓာတ်ခွဲခန်းသို့ နှစ်နာရီအတွင်းပေးပို့ရမည်။ ဓာတ်ခွဲ အဖြေအား (၇) ရက်အတွင်း ရရှိနိုင်ပါသည်။

        သောက်သုံးရေတွင် ပျော်ဝင်နေသော အဆိပ်အတောက်ဖြစ်စေသည့် အာဆင်းနစ် (Arsenic)၊ ကဒ်မီယမ် (Cadmium)၊ ခဲ (Lead) စသည့် ဒြပ်စင် များအား Atomic Absorption Spectrophotometer (AAS) စက်အား အသုံးပြုစစ်ဆေးနိုင်ပါသည်။ စမ်းသပ်စစ်ဆေးခများအနေဖြင့် အာဆင်းနစ် (Arsenic) - ၆၅၀၀၀/- (ကျပ်ခြောက်သောင်းငါးထောင်တိတိ)၊ ကဒ်မီယမ် (Cadmium) - ၅၅၀၀/- (ကျပ်ငါးထောင့်ငါးရာတိတိ)၊ ခဲ (Lead) - ၅၀၀၀/- (ကျပ်ငါးထောင်တိတိ) အသီးသီးကျသင့်ပါမည်။ ရေနမူနာများအား ၂ ဂါလံဆံ့ သော ပလတ်စတစ်ပုံးအသစ်တွင်ထည့်၍ ဓါတ်ခွဲခန်းသို့ နှစ်နာရီ အတွင်း ပေးပို့ရမည်။ ဓါတ်ခွဲအဖြေအား (၁၀) ရက်အတွင်း ရရှိနိုင်ပါသည်။