ပြည်သူ့ဆက်ဆံရေးနှင့်ပြန်ကြားရေးဌာန

ဌာန၏လုပ်ငန်းတာဝန်များ

  • ရန်ကုန်မြို့တော်စည်ပင်သာယာရေးကော်မတီအကြီးအကဲများမှ လုပ်ငန်းတာဝန်အသီးသီးသို့ ကွင်းဆင်း စစ်ဆေးမှုများ၊ လုပ်ငန်းလမ်းညွှန်ကွပ်ကဲမှုများ ပြပွဲပြိုင်ပွဲအခမ်းအနားအား အများပြည်သူသိရှိရေးအတွက် ရုပ်မြင်သံကြားရိုက်ကူးခြင်း၊ သတင်းစာသားများရေးသားခြင်း၊ မြန်မာ့ရုပ်မြင်သံကြား၊ မြဝတီရုပ်မြင်သံကြား၊မြန်မာ့သတင်းစဉ်တို့ဖြင့် ဆက်သွယ်၍ သတင်းများကို အချိန်နှင့်တပြေးညီထုတ်ပြန်ခြင်း။
  • ရန်ကုန်မြို့တော်စည်ပင်သာယာရေးကော်မတီ ဌာနအသီးသီးမှလုပ်ငန်းဆောင်ရွက်မှုများကို သတင်းဓာတ်ပုံများရယူ ခြင်း၊ ဌာနလက်အောက်ရှိ မြို့တော်သတင်းစာတွင် အများပြည်သူသိရှိရေးအတွက် ဖော်ပြထုတ်ပြန်ခြင်း၊ မြန်မာ့သတင်းစဉ်သို့ သတင်းနှင့်ဓာတ်ပုံများပေးပို့၍ ထုတ်ပြန်ဆောင်ရွက်ခြင်း။
  • စည်ပင်သာယာရေးလုပ်ငန်းများနှင့် ပတ်သက်၍ အများပြည်သူများဆောင်ရန်၊ ရှောင်ရန်အချက်များ၊ သိသင့်သိထိုက်သော အချက်များကို ဗီဒီယိုရိုက်ကူး၍ နှိုးဆော်ချက်များ၊ ကြေညာချက်များအဖြစ် မြန်မာ့ရုပ်မြင်သံကြားနှင့် မြဝတီရုပ်မြင်သံကြား တို့မှ အခါအားလျော်စွာ ထုတ်လွှင့်ခြင်း။
  • ရန်ကုန်မြို့တော်စည်ပင်သာယာရေးကော်မတီမှ အများပြည်သူများအတွက် ဆောင်ရွက်ပေးလျက်ရှိသော ခေတ်မီကလေး အားကစားကွင်း၊ မြို့တော်ဂေါက်ကွင်းစသော ကြော်ငြာများကို ရိုက်ကူးခြင်း၊ မြန်မာ့ရုပ်မြင်သံကြားနှင့် မြဝတီရုပ်မြင်သံကြားတို့မှ ထုတ်လွှင့်ခြင်း။
  • အများပြည်သူများ ရန်ကုန်မြို့တော်စည်ပင်သာယာရေးကော်မတီ၏ လုပ်ငန်းဆောင်ရွက်မှုများ သိရှိနိုင်ရန် သတင်းများ ဗဟုသုတရရှိစေရန်၊ သုတရသဆောင်းပါးများကို ရေးသားပုံနှိပ်၍ မြို့တော်သတင်းစာ နေ့စဉ်ထုတ်ဝေဖြန့်ချိခြင်း။
  • သုတရသဆောင်းပါးများ၊ ဝတ္တုများ၊ ပညာပေးကဏ္ဍများ၊ ရယ်ရွှင်ဖွယ်ကာတွန်းများ ပါဝင်သော မြို့တော်မဂ္ဂဇင်းအား လစဉ်ထုတ်ဝေဖြန့်ချိခြင်း။
  • ရန်ကုန်မြို့တော်စည်ပင်သာယာရေးကော်မတီ ဌာနအသီးသီးမှ အသုံးပြုသောပြေစာများ၊ ပုံနှိပ်ပုံစံများ၊ စာအုပ်စာတမ်း များကို မြို့တော်ပုံနှိပ်တိုက်တွင်ပြင်ပနှုန်းထက် သက်သာသောနှုန်းများဖြင့် ရိုက်နှိပ်ဆောင်ရွက်ပေးခြင်း။
  • ရက်ကြီးခါကြီးနှင့် ရာသီအလိုက်မြို့တော်အငြိမ့်၊ မြို့တော်အကဂီတခေတ်ပေါ်တီးဝိုင်းတို့ဖြင့် ဖျော်ဖြေခြင်း။
  • ကော်မတီ၏ လမ်းညွှန်ချက်နှင့်အညီ နိုင်ငံတော်၏နေ့ကြီးရက်ကြီး ပွဲလမ်းသဘင်များတွင် အဖွဲ့အနေဖြင့် ဆောင်ရွက်ရ သည့်အခါတွင် အဖွဲ့ကိုယ်စားဦးစီးဆောင်ရွက်ခြင်း။
  • ရန်ကုန်မြို့တော်စည်ပင်သာယာရေးကော်မတီမှ လွှင့်တင်ထားသော website တွင် ဌာနအသီးသီး၏ လုပ်ငန်းတာ၀န်နှင့် ဆောင်ရွက်မှုများအား ထည့်သွင်းဖော်ပြပေးခြင်း။
  • အများပြည်သူနှင့် ကမ္ဘာမှ သိသင့်သိထိုက်သော အချက်အလက်များအား ဌာန website မှ Internet သို့ ချိတ်ဆက်တင်ပြ ခြင်း။
  • ဌာန၏ မြို့တော် FM ရေဒီယိုမှ ရန်ကုန်မြို့တော်စည်ပင်သာယာရေးကော်မတီ၏ လုပ်ငန်းဆောင်ရွက်မှုသတင်းများ၊ ယာဉ်စည်းကမ်း၊လမ်းစည်းကမ်းလိုက်နာရေးနှိုးဆော်ချက်များ၊ ယာဉ်ကြောပိတ်ဆို့မှုကြေညာချက်များ၊ အများပြည်သူအပန်းဖြေ ဖွယ် တေးဂီတနှင့် အခြားအစီအစဉ်များ၊ ဌာနအသီးသီး၏ ပညာပေးနှိုးဆော်ချက်များကို နေ့စဉ်ထုတ်လွှင့်ပေးခြင်း။
  • ကော်မတီ၏မူဝါဒ၊လမ်းညွန်ချက်များနှင့်အညီ စည်ပင်သာယာရေးလုပ်ငန်းများ၊ နှစ်နိုင်ငံချစ်ကြည်ရေးကိစ္စနှင့်ပတ်သက်၍ နိုင်ငံခြားဆက်ဆံရေးလုပ်ငန်းများဆောင်ရွက်ခြင်း။
  • ကော်မတီ၏ နိုင်ငံတကာဆက်ဆံရေးကိစ္စရပ်များ ဆောင်ရွက်ခြင်း။
  • ကော်မတီ၏ မူဝါဒ၊ သတင်း၊ လုပ်ဆောင်ချက်များအား အများပြည်သူများ သိရှိနိုင်စေရန် သတင်းမီဒီယာများမှ ဖော်ပြပေးနိုင်ရန် ဆောင်ရွက်ခြင်း။
  • ကော်မတီ၏ ICT လုပ်ငန်း၊ နည်းပညာများအဆင့်မြင့်မားတိုးတက်လာစေရေး စီမံဆောင်ရွက်ခြင်း။

Back to Top